هاجم المدرب حلمي طولان ، المدير الفني الأسبق للزمالك، حسام حسن المدير الفني الحالي لمنتخب مصر الوطني ، بعد تقليله من لاعبي الدوري المصري في جلسته أمس مع الصحفيين .
وتسأل حلمي طولان في تصريحات تلفزيونية: "هل الكابتن حسام حسن مكنش عارف قماشة اللاعبين المصريين ووضع المنتخب الوطني قبل ما يكافح ويجند مصر كلها علشان يبقى مدرب المنتخب؟ أكيد كان عارف يعني.
اقرأ أيضا
حلمي طولان يهاجم حسام حسن: لا يصلح للمنتخب لأسباب فنية وشخصية
حلمي طولان: عانيت من اللجان الإلكترونية وشيكابالا قائد حقيقي
وأوضح لاعب ومدرب الزمالك الأسبق: "حسام حسن بقاله 15 سنة بيدرب الأندية مش عارف إمكانيات اللاعيبة دي؟ يعني دلوقتي معندناش لاعيبة، وقبل كده ايام كيروش كان يطلع ويقول عندنا احسن لاعيبة، ايه التناقض ده والناس مبقاش بينضحك عليها".
وأضاف: انا فوجئت بالكابتن مدحت شلبي بيقول إن فيه بعض اللاعيبة المحترفة في منتخب مصر مش عايزة تيجي المنتخب، زي محمد صلاح وعمر مرموش وأحمد حجازي، حسام حسن بيهد أدواته وبيخلص علي أدواته نفسيا.
واستطر حلمي طولان: "بعد تصريحات حسام حسن مين اللاعيب اللي هيبقى عنده الثقة انه يلعب معاه؟ مين اللاعب اللي هيبقى عنده الثقة انه مقتنع به، المفترض هو اللي يعلي معنويات اللاعيبة مش يهدها ويخليها زيرو، انا محاربش أدواتي وانا شخصيا قدام الرأي العام والصحافة بقول علي لاعيبتي احسن لاعيبة في العالم وضروري احميهم واكبرهم واحافظ عليهم لإن هما السلاح اللي بحارب بيها.
وختم طولان تصريحاته: "حسام حسن جانبه التوفيق والصواب، وانا طبعا زعلان جدا من تصريحاته ومينفعش المدير الفني يغفل الجانب النفسي مع لاعيبته، هو بيخسر اللاعيبة بالشكل ده".
