ابدى أحمد حسام ميدو لاعب منتخب مصر وفريق الزمالك السابق رأيه الفني في فوز المنتخب تحت قيادة حسام حسن، على نيوزيلندا بهدف نظيف في بطولة كأس عاصمة مصر، أمس الجمعة.
وكتب ميدو عبر حسابه بموقع التواصل الاجتماعي "إكس": "عجبني المنتخب إمبارح اللاعيبة بتقاتل ومنتخبنا بعد الهدف ساب الاستحواذ ولعب على المرتدات بشكل كويس.. بعض من افكار حسام حسن واضحه بمحاولة تجميع العب في ناحية ونقل الكورة بسرعة للناحية الثانية".
اقرأ أيضا
إمام عاشور: رضا عبدالعال هجاص وميدو طلب مني العودة للزمالك
ميدو: جوميز يستحق الدعم وهذا سبب خسارة الزمالك أمام الأهلي بالكأس
وأضاف: "مهم أن الرسالة واصلة اللي مش هيقاتل كل دقيقة وكل ثانية في الملعب مش هيكون ليه مكان في التشكيل الأساسي.. الخطوة الجاية لازم أزمة محمد صلاح مع الجهاز تتحل وتتحل بذكاء بتدخل مسؤولين كبار ماتسيبوش الموضوع ده لأصحاب اللقطة!!".
وأكمل ميدو: "ومهم جدا عودة فتوح للمنتخب.. محمد حمدي لاعيب كويس لكنه مش الباك لفت اللي هيشيلك في الماتشات الثقيلة!! البداية لازم تيجي من فتوح وان شاء الله يكون مركز ومتألق الفترة اللي جايه مع الزمالك وترجع المنتخب وترجع لاعيب اساسي لإن ده مكانك الطبيعي!!".
وواصل ميدو الذي لعب للعديد من الأندية الأوروبية: "وقفة المدرب النجم على الخط حاجه ثانية.. وقفة حسام حسن على الخط امبارح حسستني بهيبة منتخب مصر لأول مرة بعد كابتن جوهري الله يرحمه وكابتن حسن شحاتة ربنا يديله الصحة".
وأتم: "نصيحتي لكابتن حسام لا تتحدث في الإعلام إلا في المؤتمرات الصحفية الرسمية للمباريات كل كلمة هتقولها في الإعلام هتضرك المتربصين كثير واللي عايزينك تفشل كثير حتى ولو على حساب المنتخب!! عايز تنجح ماتتكلمش ولا تخلي كابتن ابراهيم يتكلم إلا للضرورة القصوى!!".
