حرص أحمد نبيل كوكا لاعب وسط فريق الكرة الأول بالنادي الأهلي، على توجيه رسالة مؤثرة لوالدة، والذي رحل عن عالمنا خلال الأيام الماضية.
ونشر كوكا عبر حسابة الرسمي عبر موقع التواصل الاجتماعي " فيس بوك"، صورة له، معلقًا عليها:" آخر صورة لى ابويا ليلة الجمعة الساعة ٣ الفجر اليوم اللى اتوفى في كان قاعد لوحدة برة بيتصور فى البيت كان عارف حبيب قلبى ان ده اخر يوم لى فى البيت ده انا كنت جوة يا بابا نايم كنت تقولى اجى اتصور معاك فى اخر صورة ليك عمرة ما كان بيتصور لوحدة كده والله".
اقرأ أيضا
كواليس كورابيا| محادثات الخطيب وتوفيق.. وتطورات تجديد نجم الزمالك
تعرض حافلة ريال مدريد لحادث قبل مواجهة لايبزيج
أضاف:" اتصور وساب الضحكة اللى فى الصورة دى علشان نشوفها ونتأكد ان رايح الجنة ، والله والله والله ابويا ودعنا واحنا بنغسلة بى نفس الضحكة اللى فى الصورة".
وواصل:" كان نفسى تشوف كمية الناس يا بابا اللى كانت موجودة علشان انا عارف انك عارف الناس بتحبك كل الناس بتدعيلك والله وزعلانه عليك ، ربنا يقدرنى يارب فى اللى جاى واقدر اعمل كل الحاجات الحلوه اللى كنت بتعملها والخير ومساعدة الناس اللى كنت بتعملها ، جالنا يا حبيبى بشرة الصبح انك مبسوط عندك ونفسى نجيلك انا وامى واخواتى فى اسرع وقت".
واختتم: "ربنا يجمعنا بيك على خير يا بابا ، حلمك انا مكمل فى والله وكل حاجه كانت بتفرحك هتتعمل على اكمل وجه ، ربنا يرحمك ويغفر لك ويدخلك فسيح جناته والفردوس الاعلى من جناتة ، اشوفك على خير يا بابا سلام يا راجل يا طيب".
