كشف أحمد مصطفي زيزو لاعب نادي الزمالك، عن تفاصيل جديدة بشأن توقيه للاهلي أو تجديد عقده مع نادي الزمالك في الوقت الحالي.
وكتب زيزو عبر حسابه الرسمي على موقع التواصل الاجتماعي " انستجرام":"الحمدالله، أنا راجل بحترم كل الناس.. لكن للأسف عدم ردي على المعومات المغلوطة، والتزامي الصمت زاد عن حده، كل ساعة خبر، عن توقيع أو تجديد عقد زيزو".
اقرأ أيضا
لاعب الزمالك السابق يثير الجدل: زيزو ليس خائنا.. والاحتراف أهم من الانتماء
زيزو يظهر في إعلانات الأهلي قبل الإعلان الرسمي.. والصفقة تهدد عرش تريزيجيه وبن شرقي
وقال لاعب الزمالك:"كل واحد بيغازل الشريحة اللى عايزها من الجمهور.. بكل وضوح أنا لم أوقع لأي نادي سواء داخل أو خارج مصر، اللى حصل يتفضل يعلن.. إذا كان كلامه صحيح؟.. الناس لازم تعرف كويس.. أنا بقدر الكيان الكبير اللى بلعب فيه، ولا يمكن أنكر فضله عليا.. لكن فيه حاجة أنا مكنتس حابب اتكلم فيها خالص.. لانه للأسف الأمور في الإعلام كلها في اتجاه واحد.. ليه محدش اتكلم عن حقوقي المشروعة زي أي لاعب في الدنيا".
وأضاف:"ليه محدش اتكلم عن المستحقات المتأخرة اللي ليه بقالها كتير.. ومش لاقي حد يجاوبني. ليه محدش اتكلم أنه التجديد المره دي جاي في مرحلة متقدمة من عمري بالنسبة للعيبة الكورة.. ولعيب الكورة مهما طول.. عمره قصير في الملعب".
وتابع:"محدش كمان اتكلم انه ربنا سبحانه وتعلي انعم عليا بعروض مقابلها المالي 10 اضعاف العرض اللى موجود.. ورغم كل ده قلت وهفضل اقل انا منتظر كلمة النادي".
وواصل:"ورد لاعتبارات كتير مش لتجميل الصورة والجماهير لازم تكون عارفه الحقيقة.. زيزو مش بيزايد.. ولا بيتاجر.. لكن لازم الطرف التاني يكون عايزني أكمل.. وتكون فيه استجابه لحاجة من المعروض عليا على الأقل.. لكن للاسف الكلام معايا حاجه.. واللى بيتقال في الاعلام حاجه تانيو.. أنا مينفعش اجرح في حد.. ولا اتكلم في حق حد.. لأن اللى بيتقال في الجلسات عيب يتقال بره.. على الاقل من ناحيتي.. أنا مستني رد النادي لحد أخر يوم في الكونفدرالية.. واتمني رنا يكرمنا بيها انا وزمايلي. أي كلام هيتقال غير كد في موضوع التجديد أوالتوقيع قبل الموعد ده.. هيكون كلام عير صحيح".
واختتم:"ورسالتي ودية جدا للمسئولين في النادي اللى انا بحترمهم جميعا.. اتمني الحوار في مسالة تجديد عقد يكون بيني وبينكم.. مش عن طريق الاعلام.. وانا كنت ولا زلت واضح معاكم في كل اللى اتكلمت فيه من أمور عادله تساعدنا على أننا نكمل الطريق.. شكرا على تفهمكم موقفي".
التعليقات السابقة