هنأ محمد الشناوي قائد وحارس مرمى الفريق الأول لكرة القدم بالنادي الأهلي، علي معلول بقيده في قائمة الفريق، رسميا، وإنتهاء أزمة تسجيله.
وقال محمد الشناوي في تصريحات تلفزيونية لعلي معلول: حمد الله بالسلامة وانت هنا في بيتك عمره ما حد هيسيبك واحنا كلنا في ضهرك.
اقرأ أيضا
علي معلول: علاقتي جيدة بكابتن محمود الخطيب وعمري ما هنسى وقفته معايا وقت العملية
علي معلول يتعرض للإصابة في مران الأهلي.. كشف طبي لتحديد مدة الغياب
واضاف الشناوي، دائما في ضهر معلول وبطمنه من ساعة الإصابة اللي تعرضلها، وأهو سمع خبر حلو أنهاردة أنه تم قيده في قائمة الفريق.
وواصل الشناوي، أنا كنت عارف أنه تقيد، بس كابتن محمد رمضان قالي ما تقولش، وأنا معلول كنا جيل واحد ودخلنا الأهلي مع بعض في 2016.
وأكد محمد الشناوي، أن علي معلول يستحق التواجد في الفريق، وهو عمل كتير للنادي، زي ما النادي عمل أسامينا كلنا.
واختتم تصريحاته، كلنا في مركب واحدة، ولازم نكون في ضهر بعض علشان احنا أكبر نادي في أفريقيا، وأنا دايما بقف في ضهر اللاعبيه وعمري ما برضى أشوف حد زعلان وما أحلش مشكلته.
يستعد الفريق الأول لكرة القدم بالنادي الأهلي لمواجهة فريق بتروجيت، في بطولة الدوري المصري الممتاز 2024-25.
ويستضيف المارد الأحمر نظيره فريق بتروجيت ضمن مباريات الجولة 12 من دوري نايل للموسم الحالي
وتقام المباراة على استاد السلام، في تمام الساعة 7 مساءا بتوقيت القاهرة، الساعة 8 مساءا بتوقيت مكة المكرمة.
التعليقات السابقة