رد أحمد حسام ميدو على حالة الغضب الجماهيري والهجوم الشديد الذي تعرض له، بعدما صرح بأنه يرفض تشجيع النادي الأهلي في كأس العالم للأندية 2025.
وكان ميدو قد صرح عبر قناة "أون تايم سبورت"، وتحديدًا خلال الاستديو التحليلي الخاص بمراسم حفل قرعة كأس العالم للأندية، بأنه لن يقوم بتشجيع الأهلي أمام أي منافس في مونديال الأندية.
اقرأ أيضا
ثنائي بيراميدز يتعافي من الإصابة استعدادا لمواجهة الترجي بدوري الأبطال
إشادة بتألق نجم الزمالك .. صفقة جديدة تستحق المليون دولار
وتعرض ميدون لهجوم كبير من جانب بعض جماهير الأهلي وعدد من لاعبي كرة القدم السابقين، والذين وجهوا إليه انتقادات شديدة بداعي أن هذا ليس الوقت المناسب للخروج بمثل هذه التصريحات.
ونشر ميدو رسالة عبر حسابه الرسمي على منصة "X"، للدفاع عن نفسه أمام الهجوم الجماهيري والانتقادات التي تعرض لها مؤخرًا.
وكتب ميدو عبر حسابه الشخص قائلاً: "أنا ابن الزمالك، وأكبر فخر ليا في حياتي إني ابن المدرج ابن الثالثة يمين، بلعب في الزمالك من وأنا عندي 9 سنين، وأنا عيل صغير كنت بروح بفانلة الزمالك في المواصلات علشان الناس كلها تعرف إني ناشئ في الزمالك".
وتابع: "بطاقتي وأنا عيل صغير هي كارنيه اتحاد الكورة اللي مكتوب عليه اسم الزمالك، تلمذت على يد مدربين عظماء علموني إني انتمي لفريقي بس وما أشجعش أي نادي ثاني في مصر بالذات إلا نادي الزمالك أي كان بيلاعب مين".
وأضاف: "ولكن في نفس الوقت اتربيت إني احترم كل المنافسين واهنيهم لو كسبوا وأباركلهم وأقولهم هارد لك لو خسروا، هو ده معنى الروح الرياضية بالنسبة لي!!".
وأكمل: "لما اتسألت في الاستوديو هتشجع الأهلي في كأس العالم للأندية رديت بطبيعتي دون ىي نفاق أو كذب، لأن بكل بساطة مفيش حاجه في الدنيا تستاهل إنك تكون كذاب ومنافق!".
وواصل: "اتفق معاكم ان التوقيت ما كانش مناسب وبعتذر لأي حد زعل إني قلت الكلام ده في حدث مهم يخص النادي الأهلي، وانا شايف الناس اللي زعلت بخصوص ان الوقت مش مناسب عندهم كل الحق، أما لو اتسألت مليون مرة هتشجع أي نادي تاني في مصر غير الزمالك إجابتي هتكون هي هي عمرها ما هتتغير لغاية لما اموت".
وزاد: "أما بخصوص الهجوم اللي بتعرضله فأنا عاذر الناس لأنهم ممكن يكونوا اتعودوا على إجابات مختلفة في السنوات الأخيرة من ناس تصدروا المشهد في الإعلام وهما إكتر ناس بيأذوا المنافس في الخفاء وأكتر ناس بتتمنى من قلبها خسارة المنافس من جواهم".
واختتم: "مش هرد على أي حد هاجمني لأن بكل بساطه أنا في مرحلة في حياتي شايف ان مفيش حاجه في الكورة تستاهل الخصومة والخناق، بالعكس الكورة اتعملت علشان نتسلى بيها ونستمتع بيها ونناكف بعض شوية، بس بالنسبة لي ماتتعداش أكتر من كده!!".
واختتم: "مره ثانية بعتذر إني كنت سبب في جدال قائم الأيام اللي فاتت للأسف مش ذنبي ولكن بسبب مدمنين الترند والدخلاء على كرة القدم اللي لا يمكن يفهموا أبدًا عقلية مشجع الكورة!!".
انا ابن #الزمالك وأكبر فخر ليا في حياتي اني ابن المدرج ابن الثالثه يمين بلعب في الزمالك من وانا عندي ٩ سنين وانا عيل صغير كنت بروح ب فانلة الزمالك في المواصلات علشان الناس كلها تعرف اني ناشئ في الزمالك بطاقتي وانا عيل صغير هي كارنيه اتحاد الكورة اللي مكتوب عليه اسم الزمالك..…
— Mido (@midoahm) December 9, 2024
