قام علي ياسر لاعب نادي الزمالك الشاب، بالهجوم على مجلس إدارة القلعة البيضاء، بسبب صدور قرار بالاستغناء عن خدمات اللاعب قبل ساعات قليلة من غلق أبواب الميركاتو الصيفي.
ونشر علي ياسر بيان رسمي عبر حسابه الرسمي على فيس بوك، والذي أكد من خلاله قيام نادي الزمالك بالاستغناء عن خدماته بدون علمه، رغم الوعود التي حصل عليها من مسئولي النادي بخصوص قيده ضمن قائمة الفريق، بعد قطع إعارته إلى نادي موردن فيوتشر.
اقرأ أيضا
تشكيل نانت ضد مارسيليا في الدوري الفرنسي.. مصطفى محمد يقود الهجوم
خاص| جوميز يحدد موعد عودة الونش لتشكيل الزمالك.. هل يلحق بمواجهة سموحة؟
وأكد لاعب الزمالك الشاب أنه تم الاستغناء عنه بدون علمه، الأمر الذي سيترتب عليه ابتعاده عن كرة القدم حتى شهر يناير المقبل، نتيجة عدم انضمامه إلى أي نادي بعد غلق فترة القيد الصيفية بشكل رسمي.
وكتب علي ياسر عبر حسابه الشخصي قائلاً: "(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) بعد إغلاق القيد حابب أقول حاجة بس بعد ما قطعت إعارتي مع نادي مودرن سبورت(فيوتشر)، لحد النهاردة الصبح كنت مفكر إني متقيد في نادي الزمالك زي ما اتقال ليا".
وتابع: "بعد محاولات كتيرة من التواصل مع مسؤلين النادي قبل إغلاق القيد لا حد سأل فيا ولا اتواصل معايا عشان أعمل أبسط حقوقي إني أنزل أتمرن حتي بعد ما رحت النادي اسأل علي موقفي وإني محتاج أعرف هعمل إيه لأني قاعد ف البيت بقالي شهرين و هقعد ف البيت لحد شهر يناير".
وأضاف: "اتفاجئت إن النادي استغني عني قبل ما القيد يقفل بدون علمي لا حد كلف نفسه ثانية يكلمني يقولي علي حاجه ولا حد كلف نفسه ثانية يرد عليا عشان أعرف موقفي بعد ما اتقال ليا قبل كده من مدير الكورة إني متقيد في النادي".
وأوضح: "لحد دلوقتي انا قاعد ف البيت بسبب تعاملي بإحترام واحتراف زي ما اتربيت و اتعلمت من وأنا صغير بس ف الكورة ساعات بيجوا علي المحترم والمتربي شوية و دايما هيفضل عندي قناعة إن ف الكورة زي ما في الحلو في الوحش وده جزء كبير من الكورة فبكل الظروف هنعدي بيه و نستحمله عشان دي الحاجه الي الواحد بيعرف يعملها و بيحبها".
وأكمل: "والله يعلم اني محب ومشجع لنادي الزمالك منذ الصغر و إني كنت اتمني اتوج مع نادي الزمالك بكل شئ لأن ده حلمي منذ الصغر لكن بعض الناس كان لها رأي أخر".
واختتم: "حابب أشكر الجمهور واللاعيبة والمدربين الي وقفوا معايا و سندوني في أول ظهور ليا مع نادي الزمالك و فضهري من وأنا صغير داخل جدران نادي الزمالك ودايمًا كانوا اخواتي الكبار ودايما كنت بتعلم منهم ونسأل الله التوفيق فما هو قادم ليا ولنادي الزمالك وشكرا".
