وجه أحمد حسام ميدو لاعب نادي الزمالك السابق، انتقادات كبيرة لجماهير نادي الزمالك على السوشيال ميديا، واللجان الإلكترونية التي تقوم بالدفاع عن شخصيات محددة داخل النادي.
وكتب ميدو عبر حسابه الرسمي على موقع التواصل الاجتماعي " إكس":"حالة الانقسام الموجودة من جمهور الزمالك على السوشيال ميديا وكم اللجان الإلكترونية الموجهة تهد ريال مدريد مش الزمالك بس".
اقرأ أيضا
محمد صلاح يقود هجوم ليفربول المتوقع أمام بورنموث
مواعيد مباريات اليوم السبت 21-9-2024 والقنوات الناقلة
وأضاف نجم الزمالك السابق:" المدرب بيتعرض لهجوم شرس وتصدير الطاقة السلبية والقلق قبل مباراة السوبر الافريقي كفيلة بإحباط أي فريق..لازم جمهور الزمالك الحقيقي يكون ليه دور ولازم كلنا نقف في ظهر الفريق ونشجع اللاعيبة والمدرب ونحسسهم ان احنا مؤمنين بقدراتهم على الفوز في المباراة ان شاء الله".
وتابع:"الموضوع مش لجان خالص، مستوي الزمالك فعلا غير مطمئن، غير ان مفيش اي صفقة جديدة لعب دقيقة واحدة عشان يدخل في أجواء المباريات و يقدر يعمل فرق في السوبر".
وأوضح:"من حق الجمهور انه ينتقد ادارة النادي لتكاسلهم في التعاقد مع اللعيبة بدري، و ينتقد المدرب لما يوصل الفريق للمستوي المزري ده و ميقدمش اي افكار جديدة، و ينتقد اللعيبة اللي مش مركزة او اللي التيشرت كبير عليهم، الكورة للجمهور و الجمهور من حقه يقول رأيه عشان احنا ميهمناش غير مصلحة الزمالك بس و مش مستنيين منه حاجة".
