كشف حسن كمال رئيس اللجنة الطبية بالبعثة المصرية للمشاركة في أولمبياد باريس 2024، موقف البطلين أحمد الجندي وسارة سمير من حمل علم مصر في افتتاح الأاولمبياد، على الرغم من إمكانية اعتذارهما لأسباب عديدة.
وكتب كمال عبر حسابه الرسمي على موقع التواصل الاجتماعي " فيس بوك":" أحمد الجندي لما أتبلغ انه هيشيل العلم في الافتتاح كان في معسكر في دولة تانية.. جه شال العلم في طابور العرض وسافر تاني الصبح لمعسكره علشان يكمل .. كان ممكن يعتذر عن الحضور او يقول خلاص بقى فاضل كام يوم نكمل في فرنسا .. لكن دي الحقيقة عقلية وشخصية البطل .. وفي نفس الوقت احترامه لبلده وتقديره لرفع علمها".
اقرأ أيضا
تأجيل تسليم الأهلي درع الدوري .. سبب مفاجئ واتفاق جديد
كورابيا ينشر مستند تحليل عينة أحمد فتوح للمخدرات.. صدمة ومستقبل غامض
وأضاف:" سارة سمير اتصابت في رسغ أيدها قبل اللعب بخمسة أيام .. جت على عيادة البعثة واول كلمة قالتهالي لو سمحت يا دكتور ما تقولش للمدربين .. سألتها عن السبب فقالت بالحرف .. بيقلقوا عليا جامد وأنا مش عاوزاهم يقلقوا .. قلتلها طيب وأنتي مش قلقانة؟ قلتلي لأ.. انت بس قلي عادي وأنا هاشيل .. وشالت !!".
واختتم:"احمد كان ممكن يعتذر عن طابور العرض وكان الكل هيقدر.. وسارة كان ممكن تعلن اصابتها احتياطي علشان يبقى في عذر او تعاطف .. لكن الأبطال والناس زي الميداليات كده .. معادن وهما الاتنين دهب خالص !".
ونجح أحمد الجندي في تحقيق الميدالية الذهبية في الخماسي الحديث، بينما حصلت سارة سمير على الميدالية الفضية في رفع الأثقال.
