تحدث الحكم السابق محمد صلاح عبدالفتاح عن الأخطاء التحكيمية في مباراة الأهلي والبنك الأهلي أمس والتي شهدت الغاء هدف يعتبره صحيح لصالح الفريق الأخير ضد الأهلي الذى يقترب من لقب الدوري.
وقال عبد الفتاح في تصريحات تلفزيونية: "هدف البنك الأهلي في الأهلي صحيح ولا يوجد به تسلل، والحكم عمرو احمد الشناوي بتاع الفار أفسد المباراة بقراره إلغاء هدف البنك الأهلي".
اقرأ أيضا
كولر: الأهلي لم يحسم بطولة الدوري.. والفوز الـ 18 على التوالي صعب
موعد مباراة الأهلي القادمة بعد الفوز على البنك
وواصل الحكم السابق: "حكم الفار قعد 4 دقائق يراجع الحالة وده وقت كبير جدا جدا على حاله زي دي، والخط اللي طلع من تقنية الفار ازرق فوق الأحمر ومعناه أنه مفيش اوفسايد والهدف صحيح لكن حكام الفار ترجموا الخط غلط واتلغى".
وتابع عبد الفتاح تصريحاته: "أنا مش فاهم إزاي حكم فار يقراه الخطوط اللي طلعت من التقنية غلط .. الخط الازرق هو اللي ظهر فوق الأحمر يعني مفيش اوفسايد ازاي تبلغ الحكم أنها اوفسايد؟".
ولفت متسائلا: "هل تعيينات لجنه الحكام القادمة هيبقى فيها معايير واضحه وصريحه للجميع ولا هنفضل في مجاملات الموسم الجديد؟".
وأردف: "في أمور لازم تبقى واضحه للجميع مباراة الأهلي الماضية احتسب ركلة جزاء غير صحيحه للأهلي أمام سيراميكا كليوباترا وحكم الفار طارق مجدي استدعى حكم الساحه محمد معروف وقاله ورغم كده حسبها فهل بقى لجنه الحكام بتحاسب المخطئ ولا ايه".
وفي ختام حديثة قال: "منظومة التحكيم تحتاج لجهد كبير الموسم المقبل من قبل لجنه الحكام ومحاسبه اي حكم يخطأ ووضع قواعد ونظم للتعامل".
