حرص محمد مجدي قفشة لاعب النادي الأهلي، على توجيه رسالة خاصة لجماهير الأهلي، بعدما أظهرت الكاميرات غضبه أثناء التبديل في مباراة فريقه ضد سيراميكا كليوباترا، ضمن مؤجلات الجولة 19من بطولة الدوري المصري.
وكتب قفشة عبر حسابه الرسمي على موقع التواصل الاجتماعي "انستجرام" :" حابب أوضح حاجة علشان للأسف بعض الناس هتبدأ تتداول حاجات، وتفسر حاجات مش مظبوطة، أنا أمبارح بعد التغيير كنت زعلان جدا من نفسي، وكنت حاسس إني محبط جدا، ومعملتش حاجه للفرقة، خاصة وإني بدأت الماتش أساسي وكنت عاوز يبقى ليا إضافة".
اقرأ أيضا
خاص| الزماك يكشف حقيقة رحيل جوميز.. حقق المطلوب
هل حان موعد اعتزال شيكابالا؟.. مدرب منتخب مصر الأسبق يجيب
وأضاف :" أيام اللعيب أو الرياضي عموما بيكون في حالة محبطه زي كدا، أنا حتي نشرت احصائية فيها صفر صناعة، وصفر تسجيل".
وأوضح :"عندي أفضل من كدا أكيد مصدرش مني أي حاجه تجاه الجهاز الفني اللي طبيعي يغير ويبدل واللاعيب لازم يحترم قرار الجهاز الفني تحت أي وضع، ولا حتى الكابتن خالد بيبو الى في لحظتها قلتله مفيش أي حاجه وقعدت وهديت معلش لحظة غضب وراحت لحالها وإن شاء الله اللى جاي أفضل".
