وجه محمد سراج الدين عضو مجلس إدارة نادي الاهلي، إلى الجماهير الزمالك، بعد الهجوم عليه في الساعات الأخيرة.
وكانت الساحة الرياضية قد اشتعلت في أعقاب الأحداث الساخنة التي شهدتها مباراة الأهلي أمام بيراميدز في الدوري المصري، والتي حسمها النادي الأحمر لصالحه بهدف نظيف.
اقرأ أيضا
مروان حمدي يعتذر لجماهير الأهلي.. بيان حزين وتبريرات قوية
مواعيد مباريات اليوم الأربعاء24-7-2024 والقنوات الناقلة
ووجه عضو مجلس إدارة الأهلي، رسائل ساخنة إلى جماهير الزمالك، وسط سجال مثير بين الطرفين.
وكتب سراج الدين عبر حسابه الرسمي على موقع التواصل الاجتماعي " فيس بوك":"تعقيبًا على البوست السابق على صفحتي الشخصية، وبعيدًا عن حبايبي وأخواتي الأهلاوية في الكومنتات، واللي يستحقوا الفرحة وإن شاء الله تكمل على خير عشان لسه بدري أخواتي من جمهور المنافس العزيز وكل الإحترام لكم نورتوا انهارده عندي فجأة كلكم كده وراه بعض بنفس الصيغة بنفس الكلام منورين بس بجد عايز أفهم انتوا مضايقين ليه وأنا لم أتطرق لأي شئ يخصكم".
وأضاف :"لا بجد سؤال شاغل بالي هل أنت خلاص لابتعادك عن المنافسة آخر كام سنة فقررت تحول وجهتك لنادي آخر يشبع طموحاتك وبقيت بتشجعه بدل ناديك اللي له تاريخ وبطولات وأنت أساسه كجمهور ولكم كل الإحترام ولا فين المعادلة عشان مش وصلة عندي حقيقي".
وأوضح :"وبغض النظر عن الجزء ده الكومنتات من البعض وتيرة واحدة نفس الصيغة أنت كنت فين وقت لما أتهاجمت أصلك مردتش قبل كده لما أتشتمت بغض النظر برضه اني مش فاهم ايه علاقة ده بالبوست أصلاً وبالماتش وايه علاقتك انت أصلاً بالموضوع بس ماشي برضه همشي معاك بغض النظر عن الضحك والكوميديا في الكلام ده لأني رديت ورديت بقوة وأنت عارف ومصر كلها عارفة كويس اني رديت على صفحتي الشخصية وكل ده موجود ومتوثق بس أنت هتفضل مش عايز تشوف أو شايف ومش عايز تواجه نفسك بالحقيقة فنبدأ نختلق أي بطولات وهمية".
واختتم :"أنا الحمد لله ولا بخاف من حد ولا بيهمني حد وده مثبت بالمواقف مش كلام ورديت على أي حد أساء في وقتها اكتر من هجومه هو نفسه أياً كان مين فبلاش معايا النغمة دي خالص ونصيحة حقيقية بدون أي سخرية ركز مع فريقك لأنه يستحق ده منك على الأقل له هوية وقاعدة وتاريخ عشان اللي أنت متعاطف معاه أوي ومتأثر نفسياً جامد لأجله خد مكانك أنت مش مكاني أنا فالمفروض تكون مشكلتك أنت معاه أكبر من مشكلتي"
وكانت جماهير الزمالك هاجمت محمد سراج الدين بعد تليعقه الأخير بعد فوز الأهلي على بيراميدز بهدف نظيف، في المباراة التي جمعتهما ضمن الجولة 31 من بطولة الدوري المصري.
