وجه عمار حمدي لاعب المقاولون العرب والمعار من النادي الأهلي، رسالة مثيرة للجماهير، والذي أثارت جدلا كبيرا خلال الساعات القليلة الماضية.
وكتب عمار حمدي عبر حسابه الرسمي على موقع التواصل الاجتماعي" انستجرام":" أصعب حاجه لما الدنيا تفرض عليك حاجه وانت مش حاببها والأضعب لما تكون وسط ناس بيحاولوا يكسروا طموحك وأنت بتعافر عشان تنجد وتحقق اللى انت عايزه".
اقرأ أيضا
وعد ورسالة لجمهور الأهلي..تصريحات يوسف أيمن بظهوره الإعلامي الأول
خاص|صدمة كهربا.. فرمان ناري من كولر ضد اللاعب
وأضاف:" احساس صعب جدا لما تحس بالظلم والقهر من ناس انت سيبت ناس أحسن منهم وعائد مادي أكبر بكتير عشان تروحلهم وفي الأخر ما يقدروش دا لا وكمان عاويزم يقعدوك ويكسروا طموحك وهما عارفين قيمتك كوبس أوي بس مفيش في إيدك حاجه تعملها والحمدالله اللى بيريح الواحد أن ربنا شايف كل دا واللي بتعمله النهاردة هيتردلك بكرا شكوتي لربنا مش لحد من البشر ومليش غير كلمة واحدة حسبي الله ونعم الوكيل".
ويتواجد عمار حمدي في الوقت الحالي مع المقاولون العرب، على سبيل الاعارة من النادي الأهلي، ومن المقرر أن يعود من جديد للقلعة الحمراء نهاية الموسم الحالي.
وعلى جانب أخر، يعاني المقاولون العرب كثيرًا هذا الموسم بسبب النتائج المتذبذبة هذا الموسم، ويسعي المقاولون لتحقيق الفوز في المباريات المقبلة، من أجل الاستمرار في الدوري المصري.
