حرصت مروة عيد عبدالملك لاعبة منتخب مصر وفريق أونيس الفرنسي. لكرة اليد، على تقديم اعتذار رسمي لمحمود عبد الرازق "شيكابالا"، بعد وفاة أحمد رفعت، الذي رحل عن عالمنا بالأمس.
وكتبت مروة عيد عبدالملك لاعبة الأهلي سابقًا عبر حسابها الشخصي على موقع التواصل الاجتماعي " فيس بوك" :"فكرة القهر وإنك بكلمة ممكن تأذي البني آدم اللي قدامك، وتكسر قلبه ده ذنب كبير قوي هيفضل في رقبتك العمر كله، ودي حاجه صعبة قوي بصراحة".
اقرأ أيضا
أيمن الشريعي: ما حدث لأحمد رفعت تقع على إدارة فيوتشر
مواعيد مباريات اليوم الأحد 7-7-2024 والقنوات الناقلة
وأضافت :"عشان كده قررت إن عمري ما هجيب سيرة أي لاعب تاني مهما كان الحدث عشان دي في الآخر كرة ي منظومة أصلًا حرام إنك تشيل ذنب فيها، والله ولو بكلمة واحدة على سبيل الهزار، وعشان أكون بريئة من ده قصاد ربنا، ومكنش سبب في أذية حد ولو نفسيًا بكلمة كانت على سبيل الهزار مش أكتر وربنا وحده يعلم .. فحقك عليا يا عم شيكابالا أنا مقصدش والله سواء أنت أو أي لاعب تاني".
وتابعت :"ربنا وحده اللي عالم بنوايا الانسان مهما كانت ردود الفعل أو التعليقات فكده كده أنا مش فارقة معايا .. أنا مش حمل ذنوب ببلاش كفايا الذنوب اللي احنا بنعملها وربنا يهدينا ويغفرلنا جميعًا".
وأوضحت :" الفترة اللي فاتت علمتنى حاجات كتير قوي أهمها إنك ماتدخلش خناقات مع حد ولا عشان حد عشان في الآخر محدش هينفعك صحتك وأهلك وحبايبك أهم بكتير من أي خناقات وكلام مالهوش لازمة .. بص حواليك كدة وهتعرف إنها ماشية بالحب والمحسوبية والتطبيل، ولو معملتش كدة مش هتاخد حقك".
وأضافت :"هيجيبوا ناس تانية أقل منك كفاءة بس أعلى منك في التطبيل والمحسوبية والمصالح، وأنا قررت إنى أبعد عن كل ده، وأعيش حياتي في هدوء، واتبسطت مع حبايبي وصحابي وبس، ربنا يهدينا ويهديكم جميعًا، ويغفر لاأحمد رفعت ويرحمه .. نصيحه لوجه الله وعن تجربه كبر دماغك مش هيجيلك غير وجع القلب وفي الآخر لو أنت الناس دي مش بتحبك وأنت مش بتطبل بضمير وتديهم وضعهم مش هتاخد حقك أبدًا، وهتفضل مكروه ومنبوذ وهيعيشوا خايفين منك عشان أنت أنضف وأحسن منهم بكتير، عيش حياتك واتبسطت مع حبايبك وسيبها على الله مش مستاهله والله خالص".
واختتمت :"ربنا وحده شاهد على كل كلمة قولتها إنها من قلبي".
