أعلن أحمد حسام ميدو، لاعب نادي الزمالك ومنتخب مصر السابق، عن دعمه لقرار مجلس إدارة الزمالك بعدم خوض مباراة القمة أمام الأهلي، والانسحاب من المواجهة التي كان مقررًا لها الثلاثاء في الدوري العام.
وأوضح ميدو في تصريحات تلفزيونية: "الزمالك مخدش الموقف ده عشان نفسه فقط الزمالك خد الموقف ده عشان كل الأندية"، وبدعم بشدة مجلس إدارة نادي الزمالك في قراره".
اقرأ أيضا
ميدو: رابطة الأندية تساعد الأهلي على حصد البطولات وجني الأموال
ميدو يمدح ناصر ماهر ورسالة خاصة لحسام حسن
وأضاف: "كلنا بنؤكد أن دعمنا لنادي الزمالك جاي من دعمنا لفكرة إصلاح الكرة المصرية، الزمالك اتكتب عليه الموقف ده أنه يقف وقفة إن شاء الله هتكون تاريخية، أن الزمالك هو النادي اللي وقف وطالب بحقوقه وحقوق كل الأندية أنه يبقى فيه عدالة في الكرة المصرية".
أوضح: "يبقى فيه وقفة إحنا وصلنا للي إحنا فيه ده ليه؟ إيه اللي لازم نطوره عشان يبقى فيه منافسة حقيقية في الكرة المصرية، الزمالك أكتر نادي تعرض للظلم من كل النواحي، تحكيم عدالة توزيع حقوق البث، الرعاية مجالس إدارات بتمشي في أوقات صعبة جدا تهد أي نادي".
أردف: "جه الوقت اللي لازم كل الزمالكاوية يتكاتفوا إحنا مش بنطالب بأي حاجة غير حقنا مجلس إدارة الزمالك اتكتب عليه الموقف ده وكلنا ورا الزمالك".
