هاجم يوسف حسن، لاعب فريق الزمالك مجلس إدارة القلعة البيضاء، لتجاهله خلال الفترة الماضية على حد قوله.
وعبر يوسف عن استيائه عبر صفحته الشخصية على موقع التواصل الاجتماعي"فيسبوك" كاتبا: "أنا هتكلم بس مش عايز جمهور الزمالك يزعل مني في أي حاجة، أنا بسبب اللي بيحصل معايا ده هبطل كوره بالشكل ده أنا لا بتأهل ولا بتدرب ومستقبلي بيضيع ،أنا الكورة هي شغلي وأكل عيشي ومش عارف أنا أذنبت في إيه ولا عملت إيه علشان اللي بيحصل معايا ده".
اقرأ أيضا
أيمن يونس ينتقد عضو الأهلي| حاجه تكسف
موديست يكشف سر رفض مشاركته بنهائى أبطال إفريقيا.. مفاجأة مدوية
وتابع: "عمر ما حد شاف مني حاجه وحشه ولا شاف إني بعمل مشاكل أنا ديما فحالي بس اللي حصل فيا مش قليل عارف الناس ممكن متصدقش الي بيحصل معايا بس وحياه الايام المفترجه دي أكيد أنتو عارفين علي موضوع العملية و كده ومحدش كان راضي يعملها من الإدارة وعملتها بعد مجهود كبير جدا جدا بعد 6 شهور قاعد ف البيت".
وأشار: "وبتحصل معايا نفس الحاجه بعد م الاداره الجديده وعدوني هنوديك علاج طبيعي انت لعيب مهم وانت وانت وانت، اول شهر ودوني لي دكتور علاج طبيعي اسمو د خالد الشناوي، رحت شهر و اتنين والنادي مدفعش الفلوس ل الدكتور العلاج الطبيعي وكل شويه هو يقولي ويطلب فلوسه، طبعا انا اتكسفت اني اروح تاني العلاج الطبيعي أنا بقالي 3 شهور يعتبر قاعد ف البيت، وحياه ربنا وحياه ربنا م حد عبرني ب مكلمه تلفون ولا حد بيرد عليا أصلا".
واستطرد "حسبنا الله ونعم الوكيل ف كل ظالم اول مره اشوف كده اول مره أشوف ظلم بعيني فعلا عمري محصلي كده ف حياتي كل م اروح لحد يقولي اتكلم مع الاداره اتكلم يقولولي مش عارف اي مفيش حد وقف معايا نهائي بس غلطتي اني مكنتش بطلع اتكلم انت جيبني بفلوس مش فلوس قليله مفروض تقدرني مفروض لاعيب منتخب مصر لي بيحصل معايا انا في نادي كبير واسم كبير".
واختتم:"وجمهور الزمالك عارف أنا بحبهم ازاي بس أنا اتظلمت كتير وغلطتي اني كنت ساكت مش عايز اتكلم بفكر ف مصلحتي لما لقيت الناس كلها بتهاجمني انا ومفكرني انا الي قاعد ف البيت بمزاجي محدش يزعل مني اي حد زعلتو حقه فوق دماغي انا بحب جمهور الزمالك".
وجدير بالذكر تعرض يوسف حسن لإصابة في الكاحل قبل عدة أشهر، وتم تشخيصها على أنها قرحة تحتاج إلى جراحة بالليزر.
وقد أشار في وقت سابق على حسابه الشخصي بأنه ينتظر اتصال مسؤولي النادي لإجراء العملية الجراحية، حيث طالب بتلقي مستحقاته المتأخرة بقيمة 150 ألف جنيه لتغطية تكاليف الجراحة.
